Dua nga aldaw a selebraran ti gobierno probinsial ti Ilocos Norte iti pannakaidasar dagiti naiimas a makan ken culinary delight ti Ilocos Norte iti Coffee and Food Festival inton Disyembre 13 ken Disyemre 14 iti Paoay church Complex.
Segun ken ni Mr. Xavier Ruiz, officer in Charge iti Ilocos Norte Tourism Office, ti nasao nga aktibidad het ti saan a malipatan a “gastronic journey” a pakaitampokan dagiti eksperto ken nalalaing nga agluto.
Karaman ditoy ni Chef Rejoice ken Adam Thomson ti Dovetail Social ken ti coffee aficionado a ni Myk ti One Coffee Studio.
Inlawlawag ni Ruiz nga addan to ti maaramid a showdown ken kakanin Cook-off no sadinno a dagiti lokal culinary artist ket aglalaban tapno mangaramid ti naimas ken kabarwanan a ricebased na delicacy.
Maimatangan iti laing ti coffee-brewing ken dagiti natenneben a barista a mangipamatmat iti naidumduma a laing da iti Ilocos Norte Brew Showdown.
Daytoy ket tampok pay laeng kadagiti sumagmamano a programa ken aktibidad ti gobierno probinsial iti Paskua Mi Ditoy a “Narimatt a Paskua” ni Gobrnador Mathew Marcos Manotoc. Mainaig iti daytoy, tyaw awis met ti Gobernador a saan a palabsen ti gundaway tapno maramanan dagiti agkakaimas a raman dagiti taraon ken makidanggay iti maisayangkat a dua nga aldaw a food fair. (Rod Sadian)
(Source: Provincial Government of Ilocos Norte)