Narescue ti agtawen ti 56 a seafarer wenno seaman a cook iti MV Golden Horizon International Cargo Vessel gapu ta marigatan nga umanges. Nakadawat ti tulong ti cargo vessel ti coastguard ti ilocos Norte ken lokal a gobyerno ti Currimao.
Babaen ti motor bangka ti Omnico a nagluganan ti rescue teams, napan nadanon ti cargo vessel, one nautical miles manipud iti igid ti baybay ti currimao ilocos norte.
Insigida a naipan iti ospital ti seaman para iti pannakapaagas na. Gapu iti alisto ken koordinasyon narescue ti biktima Nagyaman ti lokal a gobyerno ti currimao iti panagtitinnulong ti tunggal maysa.