Nakaawat iti educational assistance dagiti 1,794 a scholars ken youth leaders iti Ilocos Norte babaen iti Sirib Provincial Learners Scholarship Program ti Provincial Government of Ilocos Norte iti Mariano Marcos State University. Kadagiti benepisiario ket adda 818 academic secondary scholars, 148 arts secondary scholars, 651 academic tertiary scholars, 16 Juris Doctor scholars, 15 Doctor of Medicine scholars, 44 technical-vocational scholars, ken 102 Sirib youth leaders. Manipud pay idi 2013, intultuloy ti Provincial Government of Ilocos Norte ti panangipaay iti scholarship ken educational assistance a nangrugi idi administrasion ni Senator Imee Marcos idi gobernador pay laeng. Napapigsa met dagiti espesyal a scholarship program para iti agrikultura, abogasya ken medisina idi panawen ni Vice Gobernador Matthew Marcos-Manotoc. Segun kenni Governor Cecilia Araneta-Marcos, dakkel a tulong ti programa para kadagiti estudyante ken nagannakda. Inyebkas na kadagiti scholars a pagimbagan ti panagadalda tapno mapagbalinda a napintas ti masakbayan da Babaen kadagitoy a programa, intultuloy ti Provincial Government ti panangsuporta iti edukasion para kadagiti agtutubo iti Ilocos Norte. By: Niña Tabilos