Batac: Pito nga agtartaraken ti baboy ti ili a Bacarra, nabenipisiaran iti ASF recovery assistance program ti probinsia

0
70

Umabot iti nasursuruk ngem uppat a pulo ribu a pisos ti kadakkelan a tulong a naipaay kadagiti napapatay ti tarakenda a baboy a naapektaran ti African Swine Fever a saan a naiyenroll iti insurance a kailian ti ili a Bacarra.

Inlawlawag ni Provincial Veterinarian Dr. Loida Valenzuela a daytoy ti kaunaan a gundaway nga adda ti maipaay a tulong kadagiti agtartaraken ti baboy iti nadakamat nga ili gapu ta bassit laeng dagiti naipakaammo kadakuada a napapatay ti tarakenda a baboy a naapektaran ti ASF.

Imbatadna a pito laeng dagiti agtartaraken ti baboy ti ili a Bacarra a nabenipisiaran iti ASF Recovery Assistance Program ti gobierno probinsial.

Impalgakna a ti naipaay kadagiti maseknan ket maiyasping iti inpaay a tulong ti Departamento ti Agrikultura a lima ribu a pisos ti maipaay iti tunggal maysa a dakkelen a baboy a napapatay ken pinairaman ni Gob. Matthew Marcos Manotoc dagiti napapatay a burias nupay sangaribu lima gasut a pisos ti naited iti kada burias a manipud kaiyanak agingga iti innem a pulo nga aldaw.

Innayon ni Valenzuela a kaaddoan ti sangapulo ket lima a baboy iti tunggal maysa nga agtartaraken ti tulong nga aggapo iti probinsia.

Author: Ronald Domingo

Source: LGU Bacarra Ilocos Norte

Leave a Reply