28.9 C
Manila
Friday, March 29, 2024

Batac: “Payao” naited kadagiti mangngalap idiay Brgy. Gabut Norte, Badoc

- Advertisement -

Nagpaiduma a ragsak ti narikna dagiti taga Badoc Ilocos Norte iti panangidaulo ni Mayor Maximo Cajigal ken dagiti opisial ti ili pakairamanan ni Punong Barangay ABC Pres. Virgilio Calajate iti Brgy Gabut Norte iti ili a Badoc.

Visit RPN DZRL Batac

Daytoy ket kabayatan iti Pasasalamat ken Kadiwa nga inyuswat da senadora Imee Marcos ken Gob.Mathew Marcos Manotoc iti Brgy. Gabut Norte.

Gagem iti Thanksgiving da senadora Marcos ken Gob. Marcos ket tapno personal nga idanon ti panagyaman da kadagiti umili iti napalabas nga eleksion.

Malaksid iti naisayangkat a padaya ken pannakaibunong iti libre a nagduduma ti klase na a nateng, adda pay ti naited a “payao” kadagiti mangngalap ti nasao a lugar.

Kuna ni Gob. Marcos Manotoc a ti nasao a “payao” ket aggapu iti Bureau of Fisheries and Aquatic Resources wenno BFAR. Nairanta nga usaren daytoy dagiti mangngalap a nayon a ramit a pagala ti ikan iti baybay.

Gapu iti daytoy, inpadanon met ti gobernador ti nalaus a pagnagyaman na iti biang ti BFAR gapu ta dakkel a tulong daytoy kadagiti mangngalap iti Badoc. (Cita Macalipis)

(Source: Brgy. Gabut Norte, Badoc, Ilocos Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -