29.5 C
Manila
Wednesday, April 17, 2024

Batac: P1.8M, pakadagupan ti inpaay ti PGIN a sueldo dagiti Barangay Ranger Officer

- Advertisement -

Agdagup iti 1.8 milion a pisos ti naipaay a sueldo dagiti Barangay Ranger Officers (BRO) manipud iti nadumaduma nga ili ditoy probinsia.

Segun kenni Gob. Matthew J. Marcos Manotoc, immawat ti ₱ 9,000.00 ti tunggal maysa kadagiti 197 BRO a kaibatugan ti tallo a bulan a sueldo dagitoy.

Imbatadna a karaman ditoy dagiti BRO idiay Brgy. Saguigui ti ili a Pagudpud, Brgy. Davila ti ili a Pasuquin, Brgy. Caruan ti ili a Pasuquin, Brgy. Maan-anteng, Brgy. Manalpac, Brgy. Catangraran ti ili a Solsona, Brgy. Francisco ti ili a Dingras, Brgy. Uguis ti ili a Nueva Era ken ti ili a Badoc

Kunana a ti naipaay kadagitoy a sueldo ket para iti bulan ti Hulio agingga iti bulan ti Septiembre.

Mainaig iti daytoy, impadanon ti gobernador ti napalaus a panagyamanna kadagiti inaramid dagiti maseknan kangrunaanna iti pannakasaluad ti aglawlaw pakairamanan ti panangmantenerda iti kinaberde ti aglawlaw babaen iti panagdalus ken panagmulada.

Binigbig ni Gob. Marcos Manotoc dagiti BRO a kangrunaan a kabinbinnulig ti gobierno probinsial iti pannakaproteher ti aglawlaw.

Gapu iti daytoy, inpanamnamana a malaksid a maitultuloy ti nasao a programa ket maipalawa pay agsipud ta nakapatpateg ti akem dagitoy iti aglawlaw. (Rod G. Sadian)

(Source: Provincial Government of Ilocos Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -