Nangisayangkat iti Siudad ti Batac ti pananglaglagip iti maika-128 nga Araw ng Kalayaan ti Pilipinas, a nangtipon kadagiti ahensia ti gobierno, institusion ti edukasion, lider ti komunidad, ken dagiti agtutubo. Naitampok ti selebrasion babaen ti kangrunaan a mensahe ni Dr. Shirley C. Agrupis, Chairperson ti Commission on Higher Education (CHED), a nangipaganetget iti kinapateg ti pananglagip kadagiti sakripisio dagiti papel tintunggal Pilipino iti panangsalaknib ken aktibo a tumulong iti pannakabangon ken panagdur-as ti nasion. Nakikadua iti selebrasion dagiti pannakabagi manipud kadagiti ahensia ti gobierno nasional, uniform personnel, empleyado ti Gobierno ti siudad, opisial ken personnel ti Department of Education, estudiante, opisial ti Sangguniang Kabataan, Punong Barangays, ken kameng ti Boy Scouts ken Girl Scouts ti Pilipinas. Naipasdek iti tema ita a tawen, “Kalayaan, Kinabukasan, Kasaysayan,” ti nasao nga aktibidad ket nagserbi a pananglagip a ti wayawaya a tagtagikua tayo ita ket nagun-od babaen ti panagsakripisio ken masapul a mataginayon babaen ti panagkaykaysa,ken responsibilidad ti tunggal umili Babaen daytoy nga okasion, impakita ti Siudad ti Batac ti panangipategna iti tawid dagiti bannuar ken panagkumitna a tumulong a mangbangon iti napigpigsa ken naraniag a masakbayan para kadagiti amin a Pilipino. By: Niña Tabilos