Batac: Localized Sirib Awards, plano a maisayangkat iti ili a Vintar

0
4

Plano ti Local Youth Development Office ti ili a Vintar ti mangisayangkat ti “localized Sirib Awards”. Inlawlawag ni Miss Clarice Joy Siazon, local youth development officer ti nadakamat nga ili a daytoy ket maiyasping iti panangpadpadayaw ti gobierno probinsial babaen iti Ilocos Norte Youth Development Office kadagiti makaipapaay ti pammadayaw iti probinsia.

Imbatadna a no iti INYDO ket dagiti makaipapaay ti pammadayaw iti probinsia dagiti met ipaayan ti LYDO ti Vintar ti pammadayaw ket dagiti makaipaay ti pakaidaydayawan ti ili a Vintar.

Impalgakna a kiniddawna iti Sang. Bayan ti nadakamat nga ili a maipasa ti maysa nga ordinansa a pakailanadan ti maipaay nga insentibo kadagiti umili ti Vintar a mangiyalat ti pammadayaw iti probinsia, iti nasional ken international.

Kunana a sabali ti kantidad a maipaay a gunguna dagiti makagun-ud ti pammadayaw iti probinsia ken sabali iti benneg ti national ken international.

Segun kenkuana kas iti Sirib Awards ti probinsia ket sabali ti maipaay a gunguna dagiti individual ken sabali kadagiti grupo nupay iti ili a Vintar ket inlungalongna a ti mailanad iti ordinansa a para kadagiti grupo ket masapul a para iti maipaay iti tunggal maysa a miembro.

Mangnamnama ni Siazon a mairugi ita a tawen ti pannakaisayangkat ti Sirib Awards ti ili a Vintar. (Ronald Domingo)

(Source: LGU Vintar, Ilocos Norte)

Leave a Reply