Nangina ken nadagsen pay laeng kadagiti umili iti nangato a singir iti koryente ti Ilocos Norte Electric Cooperative.
Daytoy ti inadmitir ni Senior Sang. Panglungsod Member Hon. Bryan Alcid gapu iti nangato pay laeng a pagbayad tikoryente.
Kunana a nupay bimmaba iti singir ti INEC kurang pay daytoy no ikumpara iti pagbaybayad dagiti dadduma nga Electric Cooperative.
Kunana a marikna unay dagiti umili iti nangato a singir ti koryente a 50 agingga iti 60 posiento ti ngimmattuan na manipud iti dati a pagbaybayad ti koryente.
Nupay kasta, inbalakad na iti panagsalimetmet, kessayan iti oras a panagusar ti koryente dagiti laeng nasken ken kasapulan iti panagusar tapno bumaba iti pagbayad.
Daytoy ket iti baet ti panangikagkagumaan met iti gobierno probinsial kangrunaan na ken ni gobernador Matthew Marcos Manotoc iti biang ti INEC a mangipababa iti singir a pagbayad ti koryente agingga kadaytoy nga alday. (Rod Sadian)
(Source: Provincial Government of Ilocos Norte)