Saan a mailadawan iti ragsak ken yaman dagiti umili ti ili a Currimao nga immawat iti Aid to Individuals in Crisis Situation wenno AICs .
Kagiddan met daytoy iti panagyaman da ken ni Gob. Marcos Manotoc a nangimatang iti pannakaited kadakuada iti nasao a tulong.
Segun kadakuada, dakkel a badang iti inted nga ayuda ti probinsia nangruna ita a panawen iti pandemiya gapu iti covid 19. Umabut iti 1,518 dagiti benepisiaryo idiay Currimao nga immawat iti 3,000 a pisos iti tunggal maysa.
Ti maysa kadagiti nagibasaran dagiti maipaayan iti AICs ket ti kinakurapay ken naapektaran iti covid 19.
Naragsakan ken dinayaw met ti gobernador iti gobierno municipal ti Currimao iti liderato ni
Mayor Eduard Quilala gapu iti initiatibo da a diretso a nangkiddaw ti tulong iti DWSD. Maipalagip a 50 a milyon a pisos iti kiniddaw ken inpaay ni Senadora Imee Marcos ken nayon pay a 5 a milyon a pisos ti inted ni Senador Bong Go.
(Source: Provincial Government of Ilocos Norte)