Mamati ni Mr. Xavier Ruiz, Senior Tourism Operations Officer iti Provincial Tourism Office a dakkel ti maitulong iti partnership ti llocos Norte ken Ilocos Sur nga Im inluv travel trade Fair iti Robinsons Place, San Nicolas itay kallabes nga inatendaran ni Gob. Mathew Marcos Manotoc.
Segun kenkuana, babaen iti nasao nga event, naidasar dagiti local a partuat produkto ken dadduma pay a mabalin nga ilako dagiti dua a probinsia ti La Union ken locos Norte. Segun pay kenkuana, naituding nga agturong da met idiay La Union a pangisublatan ti Im inluv travel trade fair iti maudi a lawas daytoy a bulan ti Oktobre.
Mangnamnama ni Ruiz a dakkel a pakaitag ayan nga agpadpada dagiti dua a probinsia dagiti kalikagum ken plano da pay a maitandudu iti biang ti turismo iti nagbaetan ti Ilocos Norte ken La Union.
Maipalagip a naiget iti tarigagay ni Gob. Mathew Marcos Manotoc ken ti La Union a mapasubli ti sigud a regta iti industriya ti turismo a kimmapsut gubbuay iti covid 19.
(Source: Provincial Government of Ilocos Norte)