Mabalin a pagnaan kas alternate route ti Solsona Apayao Road ngem marigatan dagiti saan a 4×4 a lugan gapu ta adda road cut ken agdaliasat da iti maysa a karayan sadiay Calanasan, Apayao.
Kuna ni dpwh 2nd Engineering district Engr. Matthias Malenab nga iti panagsarita da iti district engr. Iti apayao ket mabalin nga alternate route ti Ilocos Norte Calanasan Claveria National Highway ngem marigatan dagiti saan a 4×4 ken kasapulan ti alerto a panagmaneho ken masapul nga iti bigat ti panagdaliasat kadagitoy a lugar gapu iti masansan a panagtudtudo na iti malpas pangaldaw.
Kuna ti engineer nga iti panagtataripnong da kadagiti pada na a taga DPWH ken kasta met ken Gobernador Matthew Marcos Manotoc ket nairekomendar ti Ilocos Norte-Apayao road kasta met ti Ilocos Norte abra road nga agturong iti abra kalinga road kadagiti taga Ilocos Norte nga agturong sadiay Cagayan gapu iti panagserra ti Manila North Road gapu iti landslide iti Sitio Banquero, Brgy. Pancian, Pagudpud, Ilocos Norte. (Cheena Arzadon)
(Source: Provincial Government of Ilocos Norte)