Umabuten iti 366,885 vaccines ti naawat ti probinsia ken naibakuna kadagiti umili agpapan Octobre 20 iti daytoy a tawen. Maibasar iti report ti Dept. of health- Provincial Health Office, 155,532 nga individuals ti fully vaccinated wenno naan anayen a nabakunaan.
Dagitoy ket manipud iti A1-A5 priorities. Aganay met iti 55,612 healthcare workers ken individuals iti Expanded A1 Population ti nabakunaanen.
Kabayatanna, 78,732 dagiti nabakunaan a senior citizens, idinto a 68,968 nga individuals nga addaan iti co-morbidities ken 148,150 iti pregnant women.
Aganay met iti 15, 423 dagiti essential workers ken indigent individuals manipud public ken pribado a sectors ti naipaayanen iti vaccines.
Agtultuloy met panangutigut ni Gov. Mathew Marcos Manotoc dagiti umili a saan pay a nabakunaan iti panagpalista kadagiti bukod nga Local Government Units ken iyuray ti batang iti panagbakuna.
Mangnamnama met ti gobernador a magu-od iti herd immunity a 70 agingga ti 80 a porciento a kadakkel iti populasion a mabakunaan ti anti-covid vaccine agpapan masungad a bulan ti Disyembre.
(Source: Provincial Government of Ilocos Norte)
