- Advertisement -
Manamnaman ti napinpintas a langen langen ti provincial government ken city government iti daytoy sumaruno a tallo tawen babaen ti liderato dagiti aguliteg a da Gobernador Mathew Marcos Manotoc ken ni Mayor Michael Marcos Keon.
Daytoy ket kalpasan nga agsubsubli metten ti napintas a personal a langen langen dagiti aguliteg agsipud ta ni payen Manotoc ti nangpasapata ken ni keon idi Sabado, June 11 iti mismo a city auditorium.
Maipalagip a ti sinuportaran ti Team Marcos da Manotoc ket ti kinalaban ni Keon a ni Vice Mayor Vicentito Toto Lazo nalpasen ti election kuna ni Keon ket rumbeng a lipatenen ti saan a nagkikinnaawatan iti politika para iti serbisyo publiko. (Rod Sadian)
(Source: LGU Laoag City)
- Advertisement -