Mangnamnama ni Ilocos Norte Gob. Mathew Marcos Manotoc nga usaren dagiti dimmalan iti training ti IN na Kabuhayan Livelihood Program for Hair dresser ili a San Nicolas dagiti nasursuro da tapno adda iti nayon a pagsapul da.
Immun una ngem iti daytoy, inatendaran ti gobernador iti pannakaited ti starter kits kadagiti 95 a benepisyaryo iti skill training ti beauty care, kangrunaan na iti hair dresser iti nasao nga ili.
Naisuro kadagitoy ti panagpukis, panagrebond ken dadduma pay a klase ti hair dresser kas nayon a pagsapul dagitoy ita a panawen ti pandemic.
Ti nasao a training ket insayangkat ti Gender and Development nga idadaulwan ni Ms. Janet London, Public Employment Service Office ni Mrs. Lizeth Atuan ken pannakikammayet ti Technical Education and Skills Development Authority nga idadaulwan met ni Ms. Janet Fantanilla.
Kuna ti gobernador a napintas daytoy a livelihood wenno pagsapulan dagiti umili malaksid pay a natalged no ag home service da.
Ti IN na Kabuhayan Livelihood Program ket paset pay laeng iti programa ti probinsia tapno matulungan dagiti Ilocanos nga agbalin nga competent, innovative ken creative iti biang ti trade ken agbalin nga skilled workers.
(Source: Provincial Government of Ilocos Norte)
