Zamboanga del Sur – Isip pagtamud sa balaodnong nasyunal, gitugtan sa Provincial Government of Zamboanga del Sur pinaagi sa Provincial Disability Affairs Office (PDAO) ang hangyo sa Senior Citizens Sector nga magpasiugda ug simpleng kasaulugan sa ELDERLY WEEK isip paghatag importansya sa mga natampo sa atong mga katigulangan ug pahinungod sa ilahang mga hataas nga kasinatian sa kinabuha nga adunay tema nga “Lolo at Lola mahalaga sa Pandemya”.
Ang maong kasaulugan gitambungan sa mga lideres sa Elderly Sector nga hilangkuban sa OSCA Heads ug Federation Presidents gikan sa nagkalain laing munisipyo. Ang Provincial Administrator nga si Joefe Suson maoy mahimong Guest Speaker diin iyahang gipalaluman ang dakong gugma ug pagtagad sa halangdong Governor ngadto sa duha ka sa Sectors: ang PWDs ug ang Senior Citizens.
Kahibaloan nga ang Provincial Persons with Disability Affairs Office mao man usab ang gadala sa Office of the Senior Citizens (OSCA), diin ang Action Officer niini mao usa ang Head sa Provincial PDAO sa probinsya. Ang LIONs International headed by Judy Pongase nag apud-apod ug mga alcohol, canisters, snacks sa mga senior citizens.
Nag provide usab ug papremyo, face shields, paniudto ug snacks ang atong kagamhanang probinsyal. Malipayon gayud ang mga lideres sa senior citizens nga gitugutan sila nga magsaulog sa ilahang special nga semana. Malipayon usab sila sa mga mensaheng nadungog gikan sa Guest Speaker nianang buntaga.
(Source: ZDS Press Bureau, photos courtesy of Victory Zamboanga del Sur)