Saan a mailadawan iti ragsak dagiti estudiante a nanggundaway ti Special Program for the Employment of Students wenno SPES iti gobierno probinsial kalpasan nga inbunungenni Gov. Matthew Marcos Manotoc ti suweldo da iti Ilocos Norte National High School.
Umabot ti 243 dagiti benepisiaryo ti umuna a distrito idinto a 57 met iti maikadua a distrito.
6,300.40 centavos ti inawat iti tunggal maysa nga estudiante kasukat ti panagtrabaho da iti uneg ti 20 nga aldaw kadagiti bukod da a local Government Unit wenno LGU’s.
Kadua dagitoy dagiti nagannak wenno guardians da nga immawat iti sweldo da kabayatan ti distribution iti INNHS.
Kagiddan daytoy, nagyamanan ken inapresiar met ti gobernador dagiti nagannak, guardian, ken estudiante a makiramraman kadagiti programa ken aktibidad iti gobierno probinsial.
Mangnamnama ti gobernador nga itultuloy da iti manggundaway kadagiti programa ti probinsia no bakasion tapno matulungan ken makasursuro da met kadagiti trabaho iti opisina.
Ti SPES program iti probinsia ket kabinnuligna ti Dept. of Labor and Employment wenno DOLE a mangipaay iti pagtrabahuan tapno matulungan dagiti estudiante nga agsapol bayat iti bakasion.
30 a pociento met iti ipaay ti DOLE a bingay na iti PGIN a suweldo dagiti nagtrabaho ti SPES kabayatan iti napalabas a Christmas season nupay maud udi a maited kadakuada gapu ta adda psy dagiti kasapulan a makumpleto a papeles.
(Source: Provincial Government of Ilocos Norte)