Indauluan ni Congressman Angelo Marcos Barba iti pannakaipaay dagiti nadumaduma a tulong ken intervention kadagiti amin a Local Government Units iti 2nd District, pakairamanan dagiti farmers’ associations ken organizations iti distrito.
Naisayangkat ti pannakaipaay iti Department of Agriculture–Ilocos Norte Research and Experiment Center iti Batac, City. Dagiti munisipalidad ti Badoc, Banna, Batac City, Currimao, Dingras, Marcos, Nueva Era, Paoay, Pinili, San Nicolas, ken Solsona ket immawat iti Ammonium Chloride fertilizer para iti panagmula ti pagay.
Nangawat met dagiti nadumaduma a farmers’ associations iti Pump and Engine Sets para iti corn production, Mungbean babaen iti High Value Crops Development Program, ken Multi-purpose Cultivators babaen iti National Urban and Peri-Urban Agriculture Program.
Naipaay pay ti Cattle Multiplier Farm para kadagiti livestock programs, ken dagiti cultivator, net mesh, ken vegetable seeds, babaen iti Adaptation and Mitigation Initiative in Agriculture Program.
Babaen kadagitoy a gannuat, ipatalged ni Congressman Barba ti panagtultuloy ken pannakapapigsa dagiti programa ken inisyatibo para iti sektor ti agrikultura ken pangbiag dagiti mannalon iti 2nd District.
Panggep ti daytoy a panagserbi ti mangsuporta kadagiti mannalon ken farmers’ organizations ken mangipatungpal iti sustainable development iti intero a probinsia ti Ilocos Norte. By: Niña Tabilos