Awan a pulos ti pilawen ni Bise Gobernador Cecil Araneta Marcos kadagiti padana nga opisial iti probinsia kangrunaanna kadagiti kameng ti Sangguniang Panlalawigan.
Kunana nga apresiaren na amin dagitoy ket napintas ti kooperasion da kadagiti amin a ganwat iti junta probinsial.
Dinakamatna pay nga adda ti napintas a panagkakadua da amin nangruna ken ni Gobernador Matthew Marcos Manotoc.
Inpalgakna a daytoy ti rason a naurnos amin dagiti maararamid iti sangguniang panlalawigan ken agpapada da nga aktibo ti trabaho.
Inbatadna nga adda meten baro a kadua da iti Sangguniang Panlalawigan ni SK Federated President Eldrich Viernes kasukat ni dati nga SK Federated Pres. Freela Saimo.
Mangnamnama ti Bise Gobernador nga iti masungad a bulan ti Enero ket addan to metten baro nga ABC Federated President a sukat ni outgoing ABC Federated Pres. Hon. Elmer Faylogna.
(Rod Sadian)
(Source: Provincial Government of Ilocos Norte)