Nagpalagip ni BFP Ilocos Norte Provincial Fire Marshall Chief Inspector, Claire Simbol kadagiti umili ti panagn-annad kontra iti mabalin a pannakapasamak ti uram.
Segun kenkuana, imabuten iti 50 dagiti napasamak nga uram sipud natapugan iti bulan ti Enero agingga itay napan a bulan ti Pebrero iti daytoy a yawen.
Kunana nga ad-adun ti napasamak nga uram iti daytoy a tawen 2023 no ikumpara itay napan a tawen 2022 iti kastoy a period.
Maibsar iti record ti BFP, umabot laeng iti 17 dagiti napasamak nga uram iti bulan ti Enero agingga iti Pebrero itay napan a tawen.
Inlawlawagna a masansan a ti makagapu iti uram ket gapu iti kinabara ti paniempo, nag over heat nga appliances, naibelleng a rungrung ti sigarilyo ken dadduma pay.
Dinakamat na a grassfire ti napasamak iti ili a Solsona, Batac City, Marcos, Banna, Piddig, Paoay, Nueva Era idinto a sabali met a kaso iti Laoag ken Vintar.
Gapu iti daytoy, inulitan ti mangidadaulo iti BFP Ilocos Norte ti apela na kadagiti umili a makitinnulong iti kampanya kontra ti pannakapasamak iti uram a mabalin a mangitunda ti pannakairisang ti niang ken pannakadadael iti sanikuwa. (April Joyce Gonzales)
(Source: Provincial Government of Ilocos Norte)