110 dagiti nagbalin a benepisyaryo iti COVID-19 Recovery Assistance to Sari-sari Store Owners iti ili a San Nicolas nga inbunong ni Gob. Mathew Marcos Manotoc iti San Nicolas Central Elementary School.
Dagiti nasao a bilang iti immawat ti 2,000 ti balor na a grocery items a nayon nga ilako da ken sunlit iti pukaw da kabayatan iti kangitingitan ti enhance community quarantine gapu iti covid 19.
Malaksid kadagiti grocery items, naipaayan pay dagitoy iti Alaska powdered milk nga inted met a libre ti nasao a kompanya.
Saan met a mailadawan iti ragsak dagiti immawat iti ayuda nga agtagikua kadagiti sari sari stores iti nasao nga ili. Indanon da met iti gobernador ti nalaus a panagyaman da ken impasigurado da iti agtultuloy a panangsupurta da iti administrasion na.
Kabayatanna , inggiddan metten ti gobernador nga inbunong pay iti Food packs kadagiti naapektaran ti tarakenna iti African swine fever, ASF control supplies and equipment ken veterinary medicines kadagiti taraken a dingwen.
Naragsakan ken nagyamanan met ti gobernador iti naan anay a tulong ken kooperasion dagiti umili iti baet ti mapaspasaran a krisis gubbuay iti covid 19 pandemic.
(Source: Provincial Government of Ilocos Norte)