Maideploy ti umuna a lawas ti Oktubre dagiti umuna a benepisiario iti Work Readiness Program ti Gobyerno Probinsya.
Segun kenni Miss. Rachel Butin, Probinsial Public Employment Services Office (PESO), umabot ti 45 dagiti napili a benepisiario iti nasao a programa probinsial.
Inbatadna a nakasagana a maidistino dagitoy kadagiti nadumaduma a Local Government Unit wenno LGU ken pangopisinaan ditoy Probinsia nga Ilocos Norte. Innayun na pay nga agpaut ti inem a bulan iti pinagtrabaho dagiti napili ti umuna a bansada ti programa.
Maipalagip a nairanta daytoy nga programa a kas paset ti kalikagum ni Probinsial Gobernor Matthew Marcos Manotoc.
Innayun pay iti Probinsyal PESO a dagiti nagatendar ti nasao a programa ket para kadagiti nagturpos ti nadumaduma nga kolehiyo ken unibersidad dtoy probinsia. Apaman a malpas dagiti kontrata ti umuna a benepisiario ket mangrugi to nga agawat ti aplikasyon iti PESO Office para ti mikadua a bansada ti programa.Author: Daisy E. Agustin
Source: RPN DZRL News