30.9 C
Manila
Friday, March 29, 2024

Batac: Bassit Laengen Nga LGU Iti Umuna A Distrito Ti Saan Pay A Naipaayan Iti AICS

- Advertisement -

Bassit laengen nga ili iti umuna a distrito ti saan pay a nakunos a naikkan iti Aid to Individual in Crisis Situation wenno AICS nga ibunbunong ti gobierno probinsial kadagiti benepisiaryo.

Segun ken ni Provincial Social Welfare and Development Officer Mrs. Lilian Rin, iti ili a Pasuquin ti naudi a nagturungan iti grupo ni Gob. Mathew Marcos Manotoc a nangidanonan iti nasao a tulong.

Nasurok a sangaribu dagiti naipaayan iti tulong nga immawat iti 3 ribu a pisos ti tunggal maysa.

Kunana nga iti maikadua a distrito ti pay laeng Paoay ti naikkan kadagupan dagiti 11 nga ili ken maysa a ciudad iti segundo distrito gapu ta nakanselar iti ili a Badoc idi Lunes gapu ti napigsa a tudo ken angin.

Nupay kasta, kunana ni Mrs. Rin a pakpakauna pay laeng ti naited kadagiti benepisiaryo iti ili a Paoay ken ituloy danto manen ti agibunong gapu ta saan pay a naikkan amin dagiti immunan a nailista ken na-asses .

Inlawlawagna a ti maysa kadagiti nagibasaran dagiti maipaayan iti AICs ket ti kinakurapay ken naapektaran iti covid 19.

Immunan nga adda iti insumitir a listaan dagiti barangay chairman kadagiti Municipal Social Welfare and Development Office kadagiti bukod da nga ili a dagitoy ti nangvalidate wenno nangpennek no rebbengna a maipaayan dagitoy iti tulong.

Ti maibunbunong nga AICS ket manipud iti pundo nga immunan a kiniddaw ken inpaay ni senador Imee Marcos a 50 a milyon a pisos ken nangipaay met iti 5 a milyon a pisos ni senador Bong Go.

(Source: Provincial Government of Ilocos Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -