Itantandudu ni Senior Sang. Panglungsod Hon. Bryan Alcid iti Sang. Panglungsod ti Laoag City iti agtultuloy a pannakaisayangkat ti night market ti Laoag.
Inadmitir na adda iti existing ordinance ti Laoag City iti night market a panagpuwesto ken panaglako dagiti negosyante kadgiti bukod da a tagilako wenno produkto.
Kunana a napintas daytoy a tignay tapno in inot a makarekobre dagiti negosyante kadagiti pukaw da gapu iti pandemiya ti napalabas a dandani dua a tawen.
Ti night market iti Laoag ket manipud malem ti Lunes agingga ti Sabado iti Abadilla ken Villanueva streets a masarakan iti daya ken lauden a paset ti Laoag City Public Market and Comercial Complex.
Temporary met a marekpan ti nasao a kalsada manipud alas kwtro ti malem agingga iti alas otso ti rabii tapno maikkan iti gundaway dagiti umii a mapan makitienda.
Maipalagip a naisardeng ti night market iti panawen ti pandemiya gapu ta narigat ti rumuar kangrunaanna iti panawen ti lockdown. (Rod Sadian)
(Source: LGU Laoag City)