Masapol a balance, awan ti mapabpaboran imbes patas iti biang dagiti hog raisers ken dagiti meat vendors pakaseknan ti presio iti live weight ken karne ti baboy.
Reaksion daytoy ni Gobernador Matthew Marcos Manotoc mainaig iti arungaing dagiti cconsumers a 160 pesos ti live weight ken 260 pesos iti kada kilo ti karne iti tiendaan imbes a 180 ken 280 pesos a napagnunumuan kabayatan iti naisayangkat a committee hearing iti Sangguniang Panlalawigan.
Immune nga inrason dagiti agtartaraken iti baboy ti kinangina iti presio ti feeds a pagpakan kadagiti taraken.
Segun iti gobernador, kitkitaen da ti mabalin a Suggested Retail Price wenno SRP iti presio ti feeds gapu ta saan da a mabalin nga idiktar imbes nga irekomendar tapno saan unay a madagsenan dagiti hog raisers.
Kabayatanna, kuna ti gobernador a naiget nga adalen da no mabalin a malimitaran iti pannakaiserrek dagiti frozen meat ditoy Ilocos Norte a mangpaadu pay iti supply ken mangpalaka iti karne ti baboy.
Naanmuan a saan laeng a dagiti agararamid iti bagnet ken longanisa ti gumatgatang iti frozen meat no diket dagiti pay dadduma nga aglaklako iti karne ti baboy iti tiendaan.
Iti baet daytoy, kuna ti gobernador nga ikarigatan da a sulbaren iti arungaing dagiti agtartaraken ti baboy a pannakaipababa koma iti presio ti feeds kadagiti paggatangan. (Rod Sadian)
(Source: Provincial Government of Ilocos Norte)