Agdagup iti 44 a Pantawid Pamilyang Pilipino Program (4Ps) parent leaders ken college student beneficiaries ti nakaawat iti rehistrado a SIM card babaen ti JuanSIM ng Bayan Program – Bayanihan SIM Project. Naipatungpal ti aktibidad babaen ti panagtinnulong ti Department of Information and Communications Technology (DICT) ken ti Department of Social Welfare and Development (DSWD), iti pannakitinnulong ti Local Government Unit ti Pasuquin. Panggep ti gannuat a tulongan dagiti benepisiario nga agtalinaed a konektado kadagiti nasken a digital services, updates ti gobierno, ken official program notifications. Babaen iti daytoy a panagtitinnulong, agtultuloy nga itandudo ti Pasuquin ti digital inclusion ken siguraduen a dagiti kameng ti komunidad nga addaan iti nalawlawa a pannakagun-od iti impormasion ken Serbisyo. By: Niña Tabilos