Isa ka resolusyon an tagka-aprubahan nan Sangguniang Panlalawigan sa ila ika-55 na regular session kahapon Hulyo 27, 2020 na tagduso/ tagrekomendar nan Committee on Boundary Dispute na tagpanguyuhan ni Board Member Melva Garcia, an Vice Chair human nga boluntaryo nga nag inhibit an chairperson na si Board Member Juan Fernando Jeff Larong.
An resolusyon nagpabor sa motion for reconsideration na tagsumite nan Lungsod sa Claver pinaagi kan Mayor Georgia Gokiangkee didto sa nahiunang Resolusyon nan Hunta Probinsial, Resolusyon numero 124 series of 2016 nga nagkilaya sa mga Brgys. Lahi, Sico-sico, sanan Camam-onan na nahisakop sa lungsod nan Gigaquit.
Sa kuman na resolusyon na tagka aprubahan nan Sangguniang Panlalawigan, nahimutang na base sa EO 126 series of 1955 ni Pres. Ramon Magsaysay sanan sa RA 2504, an balaod nga naghimo sa lungsod nan Claver, an mga baranggay Lahi sanan Sico-sico an sakop sa lungsod nan Claver, samtang an Camam-onan, an magpabilin na sakop nan lungsod sa Gigaquit. (Jhino Parrucho, Ronda 10 RPN DXKS)
(Source: Board Member Melva Garcia)