28.8 C
Manila
Wednesday, April 24, 2024

Barangay Hall Ug Multi-Purpose Building, Gi-Turnover Sa Barangay Dadiangas South

- Advertisement -

Mismong si Senador Manny Pacquiao kauban si GenSan City Mayor Ronnel Rivera maoy mitunol sa bag-ong nahuman nga infra project nga mao ang barangay hall ug multi-purpose hall para sa mga senior citizens sa Brgy. Dadiangas South ning syudad sa GenSan kagahapong adlawa.

Nasayran nga mikabat sa 5 million pesos ang gigahin ni Senador Pacman sa maong proyektong barangay hall building samtang laing 2.5 million pesos gikan sa pundo ni OFW Family Partylist representative Bobby Pacquiao samtang ang yuta nga gitukuran ang gikan usab sa LGU kon Local Government Unit gipangunahan ni Mayor Ronnel Rivera.

Gikalipay kini ug dako sa katawhan ug mga opisyal sa mong barangay sa pagpanguna ni Kapitan Rock Garay tungod magamit kini sa adlaw – adlaw nga mga transaksyon sa mga constituents  ilabina sa mga katigulangan kon senior citizens.

Atol sa paghatag ug mensahe ni Senador Pacman gipasalamatan niini ang suportang gipakita sa katawhan sa ilang pamilya samtang gisaysay niini ang ilang kalisud sa milabayng mga panahon apan andam nga motabang sa mga panginahanglan sa katawhan ilabina karon nga anaa sila sa katungdanan.

Kauban  si City Councilor Franklin Gacal Jr. nagpasalamat usab si GenSan City Mayor Ronnel Rivera sa kanunayng tinabangay  para sa kaayuhan sa mga barangay dinhi sa syudad sa GenSan para sa mga programa ug proyekto nga makahatag ug kaayuhan sa katawhan . Si Gacal maoy chairman sa komitiba sa panudlanan kon budget sa konseho ning syudad nga nagkanayong kanunayng kaabag sa Mayor sa bisan unsang mga proyekto para sa katawhan sa dakbayan.

Samtang una nang gikanayon ni Kapitan Garay nga daghan siya ug plano para sa maong barangay nga nagkinahanglan ug dugang suporta ilabina financial susama sa pag develop sa Queen Tuna Park aron mahimong tourist attraction daplin sa baybayon.
(Roniel Degorio RPN-DXDX Gensan)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -