Mikabat sa 171 ka mga indibidwal o 42 ka pamilya an pinaka-ulahing datos kagabii nga nakuha sa radyo ronda mahitugnod sa mga bakwit sa barangay gym sa brgy. Washington sugod niadtong adlawng Lunes alas singko sa hapon hangtod kagahapon Nobyembre 20, 2018 alas nueve sa kagabhi-on.
Dugang pa sa kapitan nga an pag-hatag kanila ug pagkaon sugod sa adlaw’ng Lunes hangtod na sa buntag sa Miyerkules nga mao gayud ang ilang prayoridad lakip na ang pag-tutok kun aduna bay mga gipamati sa kalawasan niini, sama na sa hilanat, apan mapasalamaton ang nasangpit nga kapitan nga wala kini silay gipang-mulong nga balatian.
Labaw sa tanan mapasalamaton si Kapitan Bonite nga wala gajud sila maglisod ug pag-imbitar nga pag pa-bakwit aron mas malikay sa mga problema sama na sa landslide ug baha, tungod na kay ang kasagarang mga namakwit gikan man sa Purok Pag-asa, Upper Bonotan nga prone sa landslide ug Purok Kalipayan-B nga daling mabaha-an.
Sa pag-libot sa radyo ronda sa bgry. gym sa brgy. Washington, nakitang maayo ang nahimong kahimtang sa mga bakwit, anaa ang brgy. council sa pag-panguna sa nasangpit nga kapitan nga mi-tutok sa pag-atiman sa mga bakwit, anaa usab ang mga purok chairman, kapulisan, BPLK nga nakabantay niini.
