CAGAYAN DE ORO CITY- Mobalor sa 1.8 milyones pesos nga turbine ventilator ang pormal nga gitunol ni Gov. Bambi Emano sa Misamis Oriental ngadto kang Dr. Jose Chan, ang Medical Director sa Northern Mindanao Medical Center o NMMC. Ang maong kahimanan ang gitunol usab sa Lucio Tan Group ug Philip Morris Fortune Tobacco Corp ug Jaime Ongpin Foundation ngadto sa probinsya diin gitunol usab kini sa nahisgutang tambalanan alang sa adunay kaso sa coronavirus disease.
Ang turnover gihimo sa opisina ni Emano kon diin mapasalamaton kaayo si Dr. Chan. Matud niya, dako kining tabang sa NMMC nga naningkamot pagpakigbisog batok Covid-19.
Sa pikas bahin, midonar usab sa 150 ka mga boxes sa alcohol ang gidonar sa probinsya sa Tandang Inc. Pormal kining gidawat sa gobernador uban ni Provincial Health Officer Dr. Jerie Calingasan nga maoy moapod apod sa maong items sa mga healthworkers ug frontliners diha sa mga checkpoints.
