34.7 C
Manila
Thursday, March 28, 2024

Balor ₱328 Milyones Nga Mga Programa Ug Proyekto Sa CdeO Ipatuman

- Advertisement -

Hayan mapatuman na ang dugang mga programa ug proyekto sa dakbayan sa Cagayan de Oro.

Kini human giuyonan sa konseho sa syudad ubos ni Bise mayor Kikang Uy sa sesyon niining semanaha ang ordinansa diin nasukip ang Supplemental Budget No. 4 sa General Fund balor ₱ 328.90 milyones ug SB 2 sa Special Account: Local Economic Enterprises balor ₱ 20.5 milyones.

Lakip sa gipundohan mao ang pagpatuman sa proyekto pagtukod sa nahabiling 311 ka mga single detached housing units ubos sa Japan Non Grant Aid House Construction sa mga Sendong survivors balor ₱ 36.80 milyones kapin; pagsemento sa mga dalan dinha sa Pagatpat Resettlement project, Phase II balor ₱ 25.45 milyones, ug disaster prevention and mitigation balor ₱ 6.75 milyones ug ₱ 91.75 milyones alang sa dugang panginahanglanon sa Covid-19 response program.

Niini, si konsehal Edna Dahino, chairman sa komite sa panalapi, mipadayag sa iyang suporta sa maong lakang sa tinguha nga matunol na ang gikinahanglan nga serbisyo ngadto sa katawhan sa dakbayan sa Cagayan de Oro. (Sangguniang Panlungsod – CdeO)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -