Cebu City- Subling gipahugtan sa lokal nga kagamhanan sa Syudad sa Sugbo uban sa Emergency Operations Centers (EOC) ang gubat batok sa Covid-19 nonot ning pagbalik sa pagsaka sa mga kaso sa Syudad.
Subay niini, mipadala ug armored vehicles ang Armed Forces of the Philippines-Central Command aron pag roving sa pipila ka mga ka barangayan sa Syudad sa Sugbo sugod sa bisperas sa Sinulog.
Kini aron pagpakgang sa mga tawo nga magtapok ug pag maintain sa movement sa publiko atol sa Pista Senyor, sa Domingo, Enero 17, 2021, bisan pa man ug gikansela ang mga public mass Basilica Minore De Santo Nino ug ang tanang kalihukan sa Sinulog Grand Showdown.
Ang mga barangay nga gi adto mao ang Barangay Pasil, Suba, Sawang Calero,San Nicolas Proper ug Pahina Central.
Dunay natingala nganong dunay mga tropa nga sa may BIR sa Barrio Luz.
Tumong sa otoridad mao ang pagpahinumdum sa mga residente sa istriktong pagsubay sa gipatuman nga health protocols.
Sa ilang bahin ang EOC pinaagi ni Joel Garganera mipahigayon ug coordination meeting tali sa mga barangay kapitan ug mga police station commanders gumikan sa maong mga kaso.
Ang Syudad sa Sugbo dunay 552 ka mga active cases lakip na sa 61 ka mga bag-ong kaso,samtang ang lalawigan dunay 297 ka mga active cases lakip na ang bag-ong 45 ka mga bag-ong kaso.
Basi kini sa Department of Health Visayas Covid-19 case bulletin no. 211, Enero 15, 2021. l via Jhon Tadlip
Source/Photo: Emergency Operations Center
: DOH Central Visayas