Ipatawag sa Committee on trade and commerce ang mga hingtungdang ahensya sa gobierno labot na sa syudad sa Cagayan de Oro panahon sa adunay makusog nga ulan. Matud pa ni City Councilor George Goking nga maoy chairman sa maong komitiba nga dako kaayong perwisyo sa katawhan ang mga baha gawas nga kini makaapektar usab sa mga negosyante.
Kon madumduman, gikan sa nakalabay nga semana hangtud karon nga ting-ulan na, dali dayon nga masinati ang pagbaha ug wa kini mahatagan sa pagsulbad.
Si konsehal Goking nagsugilon nga buot niya tigumon ang mga tinugyanan sa Department of Public Works and Highways, Cagayan de Oro Chamber of Commerce and Industry o OROCHAMBER apil na sa University of Science and Technology of Southern Philippines o USTP kansang palibot sa sentro ug bahin ang dali dayon nga lunupan panahon sa ting-ulan.
Gidugang pa ni Goking nga taod-taod na kini nga problema nga angayan lamang hatagan sa solusyon.