Sinusuportahan ng lokal na opisyal ng Lungsod ng Baguio ang lokal na mga magsasaka sa pamamagitan ng pagkakaroon ng planong pagpapa-unlad na maaring gawin at ito ay maghahatid ng kasaganaan.
Sa ilalim ng City Resolution No. 685, Series of 2023, ang mga lokal na mga mambabatas ang nagsabi na ang naturang batas ay maaaring tumugon sa ilang isyu at problema na may kaugnayan sa pagpapa-unlad ng agrikultura sa lungsod at ang suporta ng lokal na gobyerno sa kapakanan ng mga magsasaka.
Hiniling ng Konseho sa mga naturang grupo kasama ang Agriculture Training Institute, ang Bureau of Plant Industry, ang Bureau of Fisheries and Aquatic Resources, ang Bureau of Animal Industry, ang Fertilizer at Pesticides Authority, Ang National Meat Inspection Service, ang National Dairy Authority at ang Philippine Crop Insurance Corporation, na magpakita ng kanilang commitment o pangako upang mapaunlad ang pamayanang agrikultural ng Lungsod ng Baguio sa pamamagitan ng pagpapakita ng kanilang programa at serbisyo na babagay sa mga magsasaka sa Lungsod ng Baguio.
Kasabay nito, hinikayat din ng konseho ang City Veterinary and Agriculture Office (CVAO), nakipag– ugnayan ito sa Department of Agriculture Cordillera upang mahikayat ang magsasaka ng lungsod na yakapin ang makabagong teknolohiya at ang tinatawag na best agricultural practices upang mapaunlad ang agrikultura sa Lungsod ng Baguio.
(Joel Cervantes | Jimmy Bernabe, photo courtesy of Baguio City Information Office)