Baguio City – Hinikayat ng Department of Health-Cordillera (DOH-CAR) ang publiko na suportahan at sumali sa labing walong araw na kampanya upang wakasan ang karahasan laban sa mga kababaihan na magsisimula sa Nobyembre a 25 hangang Disyembre a 12 ng taong ito.
Ang pangunahing mensahe na Basagin ang Katahimikan Laban sa Karahasan sa Kababaihan at Kabataan”, ang labing walong araw na kampanya ay sesentro sa layunin na wakasan ang karahasan laban sa mga kababaihan at maging ng mga bata, magpakalat ng kamalayan tungkol sa programa ng gobierno upang mapangalagaan sila mula sa pang abuso at pang aapi.
Sinabi ni DOH-CAR Women and Children Protection Program Coordinator Glenda Dacanay na mahalaga na itaguyod ang laban kontra karahasan sa kababaihan at mga bata dahil ang mga kababaihan at mga bata ay malaking papel sa lipunan. (Joel Cervantes | Jimmy Bernabe, photo courtesy of PIA Cordillera)