Baguio City – Isang mag aaral sa Saint Louis University ang isa sa mga topnotchers sa ginanap na September 2023 Registered Electrical Engineering board exams.
Si Jurgen Jan L. Lagdao ng Saint Louis University ay nasa ranggong number 6 sa mga top-performing examinees na may grado na 88.20% rating noong September 2023 Registered Electrical Engineering Licensure Examination.
Ang SLU ay nagkamit ng 60.42% passing rate, na may 29 na pumasa sa mga 48 na lumahok sa pagsusulit ng naturang board exams.
Ipinahayag ng Professional Regulation Commission (PRC) sa mga sumali sa pagsusuli, 1,218 mula sa 3,945 ang pumasa sa Registered Electrical Engineers Licensure Examination at 800 mula sa 1,490 ang matagumpay sa pagsusulit ng Registered Master Electricians Licensure Examination naibigay ng Board of Electrical Engineering sa NCR, Baguio, Butuan, Cagayan de Oro, Cebu, Davao, Iloilo, Koronadal, Legazpi, Lucena, Oriental Mindoro, Pagadian, Palawan, Pampanga, Rosales, Tacloban, Tuguegarao at Zamboanga itong September 2023.
Samantala, ang Commission on Higher Education – Cordillera ay bumati sa lahat ng bagong Registered Electrical Engineers at ang pagbabanggit sa SLU at sa tinanghal na topnotcher sa katatapos tapos ng pagsusulit. (Joel Cervantes/Jim Bernabe, photo courtesy of Jurgen Lagdao file)
