(Baguio City-La Trinidad, Benguet) Ang pinagsamang operasyon kontra illegal druga ng Police Regional Office Cordillera Administrative Region (PRO-CAR) sa rehion ay naging sanhi sa pagkakumpiska ng illegal na druga na nagkakahalaga ng PhP2,108,320.00 at ang pagkaaresto ng anim na katao noong araw ng Sabado. Sa probinisya ng Benguet, Limang taniman ng Marijuana ang natagpuan ng mga maykapangyarihan na natamnan ng may kabuang 4,035 piraso ng mga ganap na laking tanim na Marijuana na nagkakahalaga ng PhP807,000.00 sa munisipyo ng Bakun at Kibungan. Isa pang taniman ng Marijuana na natamnan ng 6,000 piraso ng mga ganap na laking puno ng Marijuana at nagkakahalaga ito ng PhP1,200,000.00 ang nadiskubre sa Tinglayan, Kalinga ng mga otoridad doon. Samantala, sa probinsiya ng Apayao, isang 40 taong gulang na lalaki9 ang nahuli sa Barangay Caglayan, Conner, ng pinagsanib na puersa ng kapulisan sa pamamagitan ng bisa ng warrant of arrest sa paglabag ng Republic Act No. 9165, o mas kilala bilang Comprehensive Dangerous Drug Act of 2002, at ang pagkakakumpiska ng 1.35 grams ng hinihinalang shabu na nagkakaha ng PhP9,180.00.Sa kaparehong operasyon, ang mga maykapangyarihan ay nakahuli ng apat na kalalakihan na may edad na 30,36,38 at 40 sa Brgy. Irisan, lungsod ng Baguio. Ang operasyon ay humantong sa pagkasamsam ng hinihinalang Shabu na may bigat na 11.2 na gramo at nagkakahalaga ng PhP76,160.00. Sa magkahiwalay na buy-bust operation na isinagawa ng mga operatiba ng Baguio City Police Office at ng PDEA-Baguio ang naging sanhi sa pagkakahuli ng isang 29-taong ulang na lalaki at ang pagkakakumpiska ng isang gramo ng hinihinalang shabu na nagkakahalaga ng PhP6,000.00 sa Brgy. Outlook Drive, dito sa lungsod ng Baguio. Ang mga suspek, na humaharap sa paglabag ng RA 9165, at ang mga nakumpiskang piraso ng ebidensiya ay nasa pag iingat ng mga maykapangyarihan. (RPN-Baguio/Jimmy Bernabe/Joel Cervantes/source: PRO-CAR)
– 30 –