Baguio City-Bauko, Mt. Province – Pinaalalahanan ng mga maykapangyarihan ang mga tagadala ng mga baboy at mga mangangatay sa Bauko Mt. Province na pansamantala muna nilang ihinto ang pag angkat ng baboy sa Cervantes, Ilocos Sur. Ito ay upang maiwasan ang pagkahawa ng mga alagang baboy mula sa African Swine Fever. Kung atin matatandaan na tumaas ang pagkamatay ng mga baboy sa Cervantes, Ilocos Sur,  dahil sa pagkalat ng African Swine Fever Flu lalo na Barangay Comilias na malapit sa Mankayan, Benguet. Maliban sa baboy, kailangan na rin na mapahinto ang pagpasok ng fresh pork meat, by-products at processed pork meat na nagmula sa nasabing lugar.
Kasabay nito, hiniling ang pakikiisa ng mga mamamayan upang mapangalagaan ang mga alagang baboy sa Bauko laban sa nasabing sakit. Matatandaan na nagpalabas ng kautusan si gobernador Bonifacio Lacwasan Jr. bilang hakbang laban sa African Swine Fever.
RPN-DZBS/Joel Cervantes