30.6 C
Manila
Sunday, April 21, 2024

Bagsakan Center Sa Kalungsoran Sa Sugbo Inanay Nang Nagsugod

- Advertisement -

Cebu City- Nagsugod na paglihok ang bagsakan centers sa lalawigan nga
gitawag og Tindahan sa Kapitolyo sa labing minos lima ka lungsod.
Ang maayong balita sa mga konsumidor kay ang mga goods o
produkto nga gibaligya sa nahisgotang sentro mas minos og 10
porsyento.
Kini tungod kay ang kagamhanang probinsiyal mihatag man og 10
porsyento nga subsidy sa presyo sa mga baligyaon.
Pananglitan, ang probinsiya mopalit og suplay sa bugas sa NFA
kun national food authority sa tag-P1,250 matag sako ug inay ibaligya
kini sa tag-25 pesos matag kilo, ang Tindahan sa Kapitolyo modispatsar
niini sa tag-P22.50 kada kilo.
Sumala pa ni Gob. Gwendolyn Garcia, ang 10 porsyento nga
diskuwento sa mga produkto maisip nga tabang sa Kapitolyo sa mga
kabos taliwa sa ECQ kun enhanced community quarantine tungod sa
hulga sa coronavirus disease kun COVID-19.

Gipasabot ni Garcia nga iya lang gipreserbar ang dignidad sa mga
nagkalisod-lisod nga Sugboanon nga dili mahulagway nga sama na lang
og gilimsan.

Ang unang hut-ong sa mga lungsod nga nagbukas og Tindahan sa
Kapitolyo mao ang Ronda ug Alcantara sa habagatan; Borbon ug Sogod
sa amihanan ug Santa Fe sa Bantayan Island.

Samtang laing hut-ong sa mga Tindahan sa Kapitolyo ang
giablihan sa mga lungsod sa Ginatilan, Tabogon ug Poro kagahapon nga
pagasundan sa Aloguinsan ug Samboan pagka abril 8 o karong adlawa
ug sa Alegria sa Abril 9 nga Huwebes Santo.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -