Gipirmahan ug gipakanaog ni Gobernador Bambi Emano niadtong Agosto 2, 2021 ang Memorandum Order GYVBE No. 2021 – 582 nga nagamando sa tanang Municipal Mayors, Barangay Kapitan ug sa PNP – Misamis Oriental kabahin sa Heightened Quarantine Restrictions sa tibouk probinsya.
Taliwala sa bag-ong memorandum, ang Letter C sa IATF Resolution No. 127-E padayon nga ipatuman sa Misamis Oriental, gawas sa siyudad sa Gingoog gumikan ang probinsya nagpabilin nga ilalum sa General Community Quarantine nga adunay hugot nga restriksyon.
Alang sa mga outdoor tourist attractions sa lalawigan, limitado kini alang lamang sa mga residente sa Misamis Oriental ug ang maximum nga kapasidad magpabilin nga anaa sa 30%, samtang ang mga nagpangidaron ug 18 anyos ngadto 65 anyos lamang ang tugutan nga maka bisita sa mga tourist attractions.
Hugot usab nga ginadili ang pagbisita sa mga turista nga gikan sa mga lugar nga anaa ubos sa ECQ.
Samtang nakasaka ang Quarantine Restrictions sa lalawigan, ginadili usab ang mga overnight stays ug mga gabiing kalihukan, gawas niadtong mga establisemento nga anaay Authority to Operate gikan sa buhatan sa DOT-10.
Gilauman ni Gobernador Bambi nga sundon ug hingpit kining mapatuman sa tibouk lungsod ug siyudad sa lalawigan kay dako kini og tabang nga mabatokan ang Covid-19 sa lalawigan nga dili ikalimod nga gumikan sa kadaghang kaso sa siyudad sa Cagayan de Oro lakip ang probinsya sa gakaapektuhan.
(Source: Misamis Oriental Provincial Information Office Facebook page)