Tag-anunsiyo kuman ni Governor Francisco “Lalo” Matugas na waya na o dili na ma-extend an MECQ sa Surigao City sanan mga munisipyo sa Claver, Malimono sanan Alegria.
Tagtugotan isab sa gobernador an mga mayores sama sa Mainit sanan Socorro na mopakanaug nan granular lockdown sa mga barangay sa ilang lungsod na jaoy taas na kaso sa CoViD-19.
An Socorro jaoy 23 ka aktibong kaso sa CoViD-19 na amo an pinakataas na may aktibong kaso sa kalungsuran. Tagsundan ini sa Mainit na may 16 ka aktibong kaso. Si Mayor Crisanta Mondano mipakanaug na sa executive order na nagpailayom sa granular lockdown sa Brgy. Magsaysay sanan Quezon.
Tag-anunsiyo isab ni Governor Francisco Matugas na pabilin gihapon an requirement na negative antigen sa mga pasahero gikan sa Province of Dinagat Islands adisir makasuyod sa border nan Surigao del Norte.
(RPN DXKS Surigao, Governor Lalo Matugas file photo)