Nakaangkon ug daghan samad ag usa ka babaye human kini nabanggaan ug Yamaha Mio nahitabo sa alas 10:00 ang takna sa buntag didto sa tulay sa Quezon Avenue, Brangay, Miputak ning Dakbayan kaniadtong Marso 08, 2020.
Gi ila ang mga biktima nga sila si Jorry Colot Tumangob, 23 anyos, ulitawo ug lumulupyo sa Brgy. Minaog, Dipolog City, driver sa usa ka Yamaha Mio color yellow ug  si Ludemer Sienes Sybico, 25 anyos, dalaga ug lumulupyo sa Brgy. Sta Filomena sa maong syudad.
Nasayran nga samtang gibaybay ni Tumangob ang habagatang direksyon padulong sa Sta. Filomena ug pag abot sa maong tulay, aksidente kining nibangga sa maong babaye.
Dugang pa naka angkon ug samad si sybico sa nagkalain-laing parte sa iyang kalawasan hinungdan nga dali kining gidala sa Hospital.
Human sa maong aksidente, nagka aregluhay ra usab ang duha ka partido.