Davao City – Wala nagduha duha nga mitabang ang usa ka Emergency Medicine Doctor kinsa mirespondi gilayon sa usa ka babae nga manganakay sulod mismo sa gisakyang taxi.
Gitabang gilayon ni Doctor Jalil Ken Dayo sa Southern Philippines Medical Center ang usa ka babae nga naabtang nanganak sulod sa gisakyang taxi sa may Central 911 Sandawa Station ning syudad.
Nahitabo ang insidente pasado alas 11:48 kagahapon sa buntag dihang misakay sa nahisgutang taxi ang manganakay nga buntis aron unta nga magpahatod sa pinakaduol nga tambalanan aron manganak.
Wala na matud pa mapugngan sa wala gihinganlang buntis ang pagbati sa iyang tiyan. Dihang nagkaguliyang ang mga tao sa palibot, mirespondi gilayon si Doctor Dayo nga naka duty sa Central 911 Emergency Medical Dispatch and Telemedicine ug gitabangan sa pagpanganak ang babae.
Malampuson ug luwas nga nahimugso sa babae pinaagi sa tabang ni Doctor Dayo. Human sa hitabi, gisakay na ang mag inahan sa Ambulansya sa Central 911 aron madala sa tambalanan ug mahatagan ug Medical attention.
(Davao Central 911 | OIC Michael Manguhig, RPN DXKT Davao)