Gipasalamatan og dako sa mga katawhang residente sa Brgy. Sigayan ang ayuda nga nadawat pinaagi sa programa sa kagamhanang lokal sa dakbayan sa Dapitan kagahapon.
Mipalanog ang Barangay Coordinator nga si Algin Oya ingon man kanhi kapitan nga si Rose Bagasina diha sa ilang dako nga pagpasalamat nga gihatdan ang ilang barangay sa ayuda nga dako’g ikatabang sa nagkalisud nga panahon gumikan sa pandemya.
Ang ayuda nga “555” natunol sa mokabat 233 ka mga pamilya gikan sa tulo ka mga purok nga mao ang Caimito, Marang ug Nangka.
Nagpahatud usab si Mayor Rosalina Jalosjos sa pito ka mga banyera nga preskong isda mga dugang sa ayuda diin gipasalamatan pag-ayo sa mga residente.
Ang maong programa ni Mayor Nene Jalosjos nga nagdala sa panultihon niini “Misyon Ko, Paghatud ug Serbisyo” hugtanon nga gipaluyohan nila Cong. KuyaJon Jalosjos (KuyaCares) ug former Cong. Seth Frederick “Bullet” Jalosjos (Serbisyo Bilis sa Barangay).
(Source: CITY INFORMATION DIVISION-CID-Dapitan Facebook page)