Impakaammo ni Ms. Elenor Andres ti National Food Authority nga awanen iti imported rice kadagiti bodega ti NFA.
Segun kenkuana, nakagatang ti NFA itay napan a tawen ti nasurok a 300 a ribu a sako nga irik a daytoy ti napabayo kabayatan ti pandemic ken nailako iti tiendaan.
Iti agdama, aganay pay iti 28 a ribu a sako a bagas ti nakasagana nga iburay ti NFA no bilang adda iti dumteng a kalamidad.
Inpalgakna a 25 pesos met ti kada kilo iti panaggatang dagiti aglaklako ken ilakoda iti 27pesos ti kada kilo iti pagtagilakuan.
Kunana nga alisto ti panagwerret iti pundo nga irik ti NFA a ginatang na kadagiti local farmers.
Mamati ni Andres a dakkel met a makatulong dagiti pundo ti National Food Authority nga agserbi kadagiti umili. (Rosita Macalipis, RPN DZRL Batac)
(Source: National Food Authority)
