CAGAYAN DE ORO CITY- Duha ka sakop sa pamilya sa pasyente nga namatay sa coronavirus 2019 sa Northern Mindanao Medical Center o NMMC niadtong Biyernes ang gipugngan una nga makabiya sa maong tambalanan din sila namugos nga mobantay sa himalatyon nga pasyente samtang anaa kini sa isolation samtang kini gidala sa Iligan City sa nakalabay nga semana.
Kini ilang gihimo samtang gibutyag sa namuno sa nahisgutang tambalanan nga adunay 50 ka mga health workers niini nga nagsilbi nga mga frontliners sa pagpakigbisog sa maong kagaw ang anaa sa listahan nga ipailawom sa home quarantine. Matud pa ni NMMC Chief Dr. Jose Chan ang maong lakang mahimong makapa-understaffed sa maong tambalanan.
Ang asawa ug anak sa patient #40 nga mitaliwan na sa laing kalibutan ang gipailawom sa quarantine ug nahiapil sa persons under observation. Gani pa man bisan sa paglubong sa maong pasyente wala tugti ang duruha.
Ang mga local officials mitugot sa usa ka Muslim burial sa maong 54 anyos inay nga cremation. Taga Lanao del Sur kini ug gilubong sa usa ka public cemetery sa Bolonsori ning dakbayan sa Cagayan de Oro tapos kini nakabsan sa kinabuhi pasado alas nuwebe sa gabii niadtong Biyernes, Marso 13.
