Gitugutan na sa General Santos City government ang dine-in og limited face-to-face church activities sa siyudad, ilawom sa general community quarantine measures.
Subay sa bagong Executive Order No. 28, gitugutan na ang pisikal nga pagtambong sa mga misa, apan limitado sa 30 percent ang attendance sulod sa Simbahan, aron mapatuman gihapon ang social distancing.
Gawas sa pag-abli sa mga Simbahan, gitugutan na usab ang dine-in sa mga restaurant ug food establishments, apan nagalimita gihapon sa 30 percent occupancy para sa mga close area ug 50 percent occupancy para sa mga anaa sa open area.
Una nag gianunsyo mismo ni Presidential Spokesperson Harry Roque, nga giaprubahan na sa National-IATF ang hirit sa city government sa pagpatuman sa mas istriktong quarantine measures.
Matod pa ni Roque, ipailawom sa GCQ ang siyudad, sugod June 5 hangtud June 30. (John Rey Somido)