Antigen testing na libre sa mga Surigaonon na mokadto nan Siargao ibalhin na sa Grandstand sugod silom na adlaw.
Tagsugilon ni Atty. Zander Plaza na human nasinati an problema na nagdasok an mga tawo sa Eva Macapagal Passenger Terminal building, tagmando kuman ni Governor Matugas na gamiton an grandstand isip venue sa pag-swab.
Sumaya pa ni Dr. Arlene Felizarta na whole day na ini silom gikan alas 8 sa buntag hangtud sa alas 5 sa hapon.
An negative result amoy tugotan na makatabok sa Siargao samtang an magpositibo na taga syudad i-kwarantina, an mga taga Siargao adto dayhon sa Surigao del Norte Provincial Hospital sanan ipailayom sa RT-PCR Testing. Kon mogawas an negative RT-PCR result pwede na sija makabiyahe tabok pa-Siargao.