Nakatakda nang isalang sa final committee hearing sa General Santos City-Sangguniang Panlungsod ang usa ka sugyot-ordinansiya nga tumong ang paghatag proteksyon sa mga lalaki nga biktima sa domestic abuse sa ilahang mga asawa o partners.
Sa eklusibong pakighinabi sa RPN DXDX ?????, gibutyag ni City Councilor Odjok Acharon, nga iyaha na lamang ginahan-ay karon ang mamahimong unod sa gipanday nga balaudnon, aron kini masalang sa plenaryo.
Matod pa sa konsehal, dili ikalilong nga adunay mga nagakahitabo nga biktima sa pagpangabuso sa relasyon ang usa ka lalaki, diin, wala matod pa kini madangpan gumikan sa kulang ang kasamtangang mga balaud.
Partikular nga gipunto ni Acharon ang RA 9262 o ang Anti-Violence Against Women and their Children, diin, partikular lamang nahisgutan ang mga kababainhan ug mga bata.
“Ang atong ku-an diri, dili ni siya anti-VAWC law.. Ato pang ipatanaw kung naa bay laing balaud, kung ang babae, sakiton pud niya ang lalaki, unsa pud nga balaud,” ang tipik sa pagpaklaro sa konsehal.
Gawas sa mga lalaki, lakip usab sa pagahatagan og proteksyon sa maong sugyot-ordinansiya ang mga LGBT kon lesbian, gay, bisexual, and transgender, diin, kasagarang biktima usab sa domestic abuse.
“Naa koy ordinance nga ginahuna-huna og gina-mugna, kay para na sa atong mga lalaki ug mga LGBT. Dili ba naa sila’y partner nga lalaki og bugbugon sila, asa sila moadto? ” (John Rey Somido)