Nakabsan sa kinabuhi didto sa tambalanan ang usa ka ex-convict human gipusil sa wala matino nga suspetsado.
Ang pagpamusil nahitabo didto sa Barangay Kalunasan, Siyudad sa Sugbo, Dominggo sa hapon, Mayo 7, 2023.
Ang biktima mao si Roy Pardillo Dayono, AKA “Negro” hingkod ang panuigon, residenti rapud sa naasoy nga lugar.
Sa imbestigasyon nga gihimo sa kapulisan sa Guadalupe Police Station, nasayran nga ang biktima sakay sa usa ka habal-habal og sa pag abot na sa maong lugar gipusil kini sa makadaghang higayon na maoy hinungdan sa kamatayon niini.
Sa pag background sa kapulisan nasuta nga bag-o naka gawas sa prisuhan si Dayono tungod sa kaso nga kalambigitan sa ginadiling drugas.
Nahibaw-an usab nga nibalik kini sa negosyo sa ginadiling drugas.
Sa pagkakaron gitutukan ang angulo sa ginadiling drugas nga maoy motibo sa maong krimin. (Renante Lada, photo credits to the owner)